“Барселона” клубининг ҳужумчиси Неймар ҳеч қандай жиноятга алоқаси йўқлиги ҳақида гапирди. У ва унинг отаси солиқларни тўлашдан бош тортиш ва молиявий фирибгарлик қилишда бир неча марта айбланган эди.
“Мен ёмон иш қилганим йўқ, жиноятчи эмасман. Афсуски, баъзи одамлар буни шубҳа остига олишади. Уларда ҳеч қанақа далил ва исбот йўқ бўлса ҳам, мен ҳақимда нолойиқ гапларни гапиришади. Ҳозир отам бу масала билан шуғулланмоқда, яқин орада ҳаммаси ҳал бўлади. Мен унга бутунлай ишонаман. Отам билан фахрланаман ва бор эътиборимни фақат футболга қаратаман” - деди Неймар Goal хабарига кўра.
