"Ньюкасл"нинг янги бош мураббийи Рафаэль Бенитес "Реал"даги фаолияти борасида фикрлари билан ўртоқлашди.

Бенитес 2015 йилнинг ёзидан "Реал"ни бошқарган, аммо 2016 йилнинг январида истеъфога чиқарилган эди.

"2015 йилнинг ёзида АПЛдаги фаолиятимни давом эттирмоқчи эдим, аммо кейин Мадриддан қўнғироқ бўлиб қолди. Бу уларнинг менга тўртинчи таклифи эди, мен вақт келди, деб ҳисобладим. Биз биргаликда яхши иш олиб бордик, деб ўйлайман. Жамоа атрофида бўлаётган ишларни ҳар доим ҳам назорат қилиб бўлмайди.

Президент "Реал" учун Примера асосий мақсадлигини айтди. Ўйлашимча, ишлар ички эмас, ташқи таъсирлар сабабли орқага кетди. Ўйинчилар билан муносабатим яхши эди, улар профессионал эдилар. Мен чемпионатда ғолиб чиқадиган жамоа тузмоқчи эдим, аммо туза олмадим", - дейди Бенитес.