"Милан" президенти Сильвио Берлускони клубни хитойлик тадбиркорларга сотганини эълон қилди, дея хабар беради Calciomercato.
Шунингдек, у клубнинг янги эгалари зиммасига келгуси икки йилда жиддий трансфер операциялар ўтказишни юклади.
"Мен "Милан"даги ҳуқуқларимни хитойлик инвесторларга сотдим, улар клубни Италия, Европа ва жаҳон майдонларидаги аввалги жойига қайтара оладилар. Улар олдига яқин икки йил ичида трансфер бозорига 400 миллион евро сарфлаш шартини қўйдим. Клубнинг янги эгалари бутун Хитойнинг раҳбарлари билан ҳамкорлик қилишади", - дейди Берлускони.
Берлускони 1986 йилда "Милан" хўжайинига айланган эди. 79 ёшли амалдорнинг 30 йиллик бошқаруви давомида клуб 30та совринга эга бўлди, уларга 8 марта Италия чемпионлиги, 5 марта чемпионлар лигаси ғолиблиги ва бир марта Италия кубоги эгалиги ҳам киради.
