«Борнмут» клуби «Лидс» ярим ҳимоячиси Льюис Кукни ўз сафига қўшиб олганини эълон қилди.
19 ёшли футболчи билан тўрт йиллик шартнома имзоланган, трансфер суммаси ошкор қилинмаяпти.
Апрель ойида Кук Чемпионшипнинг сўнгги мавсуми энг яхши ёш футболчиси деб тан олинган эди. Унгача Деле Алли ва Гарет Бэйл шундай совринни қўлга киритган.
«Борнмут»нинг янги футболчиси Англия ёшлар терма жамоаси сафида тўққиз учрашув ўтказган. «Лидс» сафида эса Кук 85 та ўйинда майдонга тушган, 2 та гол урган ва бешта самарали тўп узатишни амалга оширган.
