Франция терма жамоаси бош мураббийи Дидье Дешам Евро-2016 финалида Португалия терма жамоасига қарши учрашув олдидан фикрларини билдирди.
"Финалда майдонга туша олмаслигимдан бироз афсусдаман. Финал ўйини олдидан ҳаяжонланаётганим йўқ, фақат адреналинни ҳис қиляпман.
Биз икки йил фақат ўртоқлик учрашувлари ўтказдик, барча ўйинларда ғалаба қозонмаган бўлсакда, ғолиблик ғоясини ишлаб чиқа олдик. Ўйинчиларимиз ҳеч қачон таслим бўлмайди, бундан хурсандман.
Португалияликларда Пепе бошлиқ ҳимоя қўрғони бор, улар кўп иш бажармоқдалар, ҳужумда эса Роналду ва Нанининг маҳоратига таянилади. Улар рақибга босим ўтказадиган жамоа эмас, албатта, ҳимояси яхши бўлсада,фақат ҳимояланмайдилар ва тезкор қарши ҳужумга ўтадилар.
Агар Роналдуни тўхтатиб қолишнинг қандайдир универсал усули бўлса, у ҳали ишлаб чиқилмаган. Биз албатта унинг таъсир доирасини чегаралаб қўйишга ҳаракат қиламиз", - дейди Дешам.
