Россиялик таниқли мураббий Анатолий Бишовец Европа чемпионати финали олдидан фикрлари билан ўртоқлашди.
"Айтиш мумкинки, финал - бир кишининг уч кишига қарши ўйини. Чунки Роналду Гризманн, Пайет ва Погбага қарши ўйнайди. Аммо Роналду - Португалиянинг кучигина эмас, балки ожиз томони ҳамдир, чунки жамоа ҳужумида хилма хиллик йўқ.
Португалия ютқазса, Роналду йиғламаса керак, чунки у энди катта бўлиб қоди. Кумуш медаль ҳам у ва унинг терма жамоаси учун ёмонмас. Нима бўлганда ҳам уларни финалга йўл олгани билан табриклайман", - дейди Бишовец.
