«Барселона» техник директори Роберт Фернандес клубнинг жорий трансфер сиёсати ҳақида гапириб берди.
«Ўнг қанот ҳимоя чизиғида Видаль ва Роберто бор, уни кучайтириш шартмас. Бу футболчиларга тўлиқ ишонч билдирамиз. Люка Динь эса бизга керак эди, уни жамоамизга қўшиб олдик.
Ҳужум чизиғини кучайтирмоқчимиз. Кўп омилларни, хусусан ёшини ҳам инобатга олган ҳолда ҳужумчи излаяпмиз. Бу жараённи чўзиб юбормоқчи эмасмиз. Клубни қониқтирадиган ечим ҳақида қарор қабул қиламиз.
Тер Штеген ва Бравони сақлаб қолишга ҳаракат қиламиз. Ҳар иккаласи ҳам яхши дарвозабон, шунинг учун ҳам улар билан бошқа клублар қизиқмоқда», — деди Фернандес.