«Ювентус» клубининг спорт директори Фабио Паратичи «Наполи» ҳужумчиси Гонсало Игуаинни туринликлар сафига ўтиши ҳақидаги гап-сўзларга изоҳ берди.
«Игуаинни анчадан буён кузатиб келмоқдамиз. У ҳақда «Реал» билан ҳам музокара ўтказган эдик. Аммо трансфер нархини келишолмадик. «Наполи» хавотир олмаса ҳам бўлади. Айни дамда Игуаин «Ювентус»га ўтишдан йироқ. Ҳозирча у ҳақда таклиф билдирмаганмиз, музокара ҳам олиб бормаяпмиз», — деди Паратичи.