«Зенит» яримҳимоячиси Аксель Витцелнинг вакили Ален Гобле мижозини фирибгар агентлар қурбони бўлаётгани ҳақида гапирди.
"Витселнинг «Зенит» билан амалдаги шартномаси келаси йил якунига етади. Шунинг учун ҳам унга турли клублар қизиқиш билдирмоқда. Натижада бир қанча агентлар унинг номидан музокара юритиб, Витцелни у ёки бу клубга ўтиши ҳақида жар солишмоқда. Бу ишлар эса уни ташвишга солмоқда, чунки яхши клублар нопок агентларнинг ҳаракати туфайли Витцелни сотиб олишдан юз ўгириб қўйиши ҳам мумкин. Ҳозирги кунда ҳеч қайси клуб билан келишувга эришилгани йўқ. Бу боришда у «Зенит» билан шартномасини узайтириши ҳам мумкин» - деди Гобле Het Laatste Nieuws хабарида.
