«Интер» ҳужумчиси Мауро Икардидан воз кечмоқчи эмас. La Gazzetta dello Sport хабарига кўра, миланликлар «Наполи» клубининг 60 миллион еврога тенг таклифини рад қилишган.

Футболчининг агенти ва рафиқаси Ванда Нара «Наполи» билан ўтказилган музокара ҳақида маълумот берди.

«Наполи» президенти Де Лаурентис шартнома имзолаши учун Маурога 10 миллион, «Интер»га 50 миллион таклиф қилди. Менга эса «Наполи» телеканалида шахсий кўрсатув очиб беришни ваъда қилди. «Наполи» Икардига 7 млн евро маош тўламоқчи, бундан ташқари 3 млн евро бонус бермоқчи. «Наполи» уни ўз сафида кўришни жудаям хоҳлаяпти. Аммо у «Интер» сардори» - деди Ванда.