«Шальке» клубининг спорт директори Кристиан Хайдел яримҳимоячи Лерой Сане трансферини амалга ошириш бўйича сўнгги муддатни белгилади. Бугун немис клуби мавсумолди йиғинни ўтказиш учун Австрияга йўл олмоқда.
«Бугун тушгача «Ман Сити» билан келишиб олишимиз шарт, агар келишолмасак трансфер амалга ошмайди. Агар Лерой самолётга чиқса, таркибимиздан ҳеч қаёққа кетмайди» - деди Хайдел.
Аввалроқ, Германия терма жамоасининг 20 ёшли футболчиси 55 миллион евро эвазига «Манчестер Сити» клубига ўтаётгани ҳақида хабарлар чиққанди.