«Барселона» раҳбарияти дарвозабон Марк-Андре тер Штегенни жамоада ушлаб турмоқчи эмас, деб хабар бермоқда Sport.
Манба маълумотига кўра, немис футболчиси «Манчестер Сити»дан яхши таклиф олганини клуб раҳбариятига етказган. Агар «Ман Сити» футболчи учун 80 миллион евро товон пулини тўласа, клуб раҳбарияти уни қўйиб юборишини маълум қилган.
Аввалроқ, «Барселона» дарвозабони Клаудио Браво раҳбариятдан асосий таркибда ўйнаш кафолатини беришни талаб қилган эди. Ўз навбатида Тер Штеген ҳам захира ўриндиғига михланиб қолишга рози эмас.