Бразилиянинг «Сантос» клуби ҳужумчиси «Габигол» лақабли Габриэл Барбоза Испания ёки Англияга кўчиб ўтиши мумкин. Globo Esporte хабарига кўра, «Атлетико» 19 ёшли ҳужумчи учун 25 миллион евро тўлашга тайёр.
Бундан ташқари, футболчи билан бошқа клублар ҳам қизиқмоқда. Хусусан, «Лестер» унинг трансфери учун 27 миллион, «Интер» эса 25 миллион таклиф қилмоқда.
Футболчининг агенти Вагнер Рибейру Рио-2016 олимпиадасидан сўнг Габиголнинг бошқа клубга ўтиш масаласини муҳокама қилишини билдирди.