«Милан» ҳужумчиси Алессандро Матри «Сассуоло» клубига ўтишга яқин, деб хабар бермоқда La Gazzetta dello Sport.
«Сассуоло» 31 ёшли ҳужумчига 3 йиллик шартнома ва 1,2 млн евро маош таклиф қилмоқда. Бироқ у билан «Женоа» клуби ҳам қизиқмоқда. Сўнгги сўз футболчининг ўзидан.
Матри 2013 йилда «Ювентус»дан «Милан»га ўтган эди. Бироқ асосий таркибда ўйнаб кетолмай, турли клубларда ижарада юрди. Ўтган мавсумни у «Лацио» таркибида ўтказиб, 19 ўйинда 4 гол уришга муваффақ бўлди.