Мадриднинг "Реал" клуби Испания чемпионатининг янги мавсумини йирик ҳисобдаги ғалаба билан бошлади. "Реал Сосьедад"га қарши бўлиб ўтган сафардаги баҳсда "Қироллик клуби"га Роналду ва Бензема ёрдам бера олишмади.

Уларнинг йўқлигини Гарет Бэйл билдирмади. У 2-дақиқадаёқ ҳисобни очишга муваффақ бўлди. Биринчи бўлим тугаши арафасида 20 ёшли Марко Асенсио ҳисобдаги фарқни оширди. Ўйинга қўшиб берилган дақиқаларда Бэйл ўзининг иккинчи, жамоасининг учинчи голини рақиб дарвозасига жойлади.

Ла лига, 1-тур
Реал Сосьедад – Реал Мадрид 0:3 (0:2, 0:1)
Голлар: 0:1 – 2 Бэйл, 0:2 – 40 Асенсио, 0:3 – 90 Бэйл.
Реал Сосьедад – Рульи, Сальдуа, Гонсалес (Вела, 79), Берчиче, Мартинес, Бергара, Сурутуса, Ойарсабаль, Ильярраменди, Конча (Виллиан Жозе, 56), Хуанми (Прието, 72).
Реал Мадрид – Касилья, Марсело, Рамос, Варан, Карвахаль, Каземиро, Ковачич, Асенсио (Васкес, 66), Кроос (Иско, 73), Бэйл, Мората (Хамес, 77).
Огоҳлантиришлар: Каземиро (50), Мората (54), Сальдуа (68), Рамос (87), Берчиче (87).