"Барселона" дарвозабони Клаудио Бравонинг "Манчестер Сити"га ўтиб кетиши сабаблари аниқ бўлди. Sport.es хабарига кўра, 33 ёшли посбон "шаҳарликлар" таркибида икки баробар кўп маош олади.
Аввалроқ унинг маоши ҳафтасига 100 фунт бўлиши хабар қилинган эди.
Чилилик футболчи, агар "Барселона" унга яхшиланган икки йиллик шартнома таклиф қилганида клубда қолиши мумкин эди, аммо каталонияликлар Бравога бир йиллик шартнома таклиф қилишди. Унинг амалдаги шартномаси 2018 йилнинг июнигача тузилган.
Бундан ташқари Браво жамоанинг иккинчи дарвозабони Марк-Андре Тер-Штеген билан муносабатлари ёмонлашган. Немис дарвозабон доим асосий таркибга тушмоқчилигини таъкидлайвериб, жамоадан кетиш билан қўрқитган.
Ниҳоят Бравонинг фарзандлари 2014 йилдан буён Англия мактабларида ўқиб келишмоқда.
Бравонинг трансфери "Манчестер Сити" учун 17 миллион фунтга тушиши айтилган.
