Ўзбекистон миллий терма жамоасининг жаҳон чемпионати саралаш босқичидаги Сурия ва Қатарга қарши ўйинлари муносабати билан олий лигада танаффус юзага келганидан хабарингиз бор.
Жамоамиз мураббийлари штаби 25 август куни бўлиб ўтган «Металлург» билан учрашувдан сўнг футболчиларга беш кунлик таътил берганди. Кеча қисқа муддатли таътил якунланиб, машғулотлар бошланди. Одатдагидек, машғулотлар жамоамизнинг табиий қопламали майдонида бўлиб ўтмоқда.
«Обод» 10 сентябрь куни олий лиганинг 21-турида «Бунёдкор» меҳмони бўлади. Унга қадар «Металлург» билан ўртоқлик ўйини ўтказилиши режалаштирилган. Мазкур баҳс 3 сентябрь куни Чирчиқда бўлиб ўтади.
