«Атлетико» клуби ФИФА томонидан икки трансфер мавсумида футболчи харид қилишга қўйилган тақиққа норози эканини ва судга мурожаат қилишини маълум қилди.
Эслатиб ўтамиз, бугун ФИФА апелляция қўмитаси «Реал» ва «Атлетико» эътирозини рад қилиб, клубларга икки мавсум давомида футболчи харид қилишни тақиқлаш ҳақидаги қарорини ўз кучида қолдирди. Балоғатга етмаган футболчилар билан шартнома имзолашдаги қоидабузарликлар туфайли ҳар иккала клуб шундай жазога тортилган эди.
Аввалроқ, «Реал» клуби ҳам ФИФАнинг қарори юзасидан судга мурожаат қилишини маълум қилган эди.
