Мёнхенгладбахнинг «Боруссия» клуби спорт директори Макс Эберль 300 нафардан ортиқ мухлиснинг ишхонаси учун маълумотнома берди.
Гап шундаки, Чемпионлар лигасидан ўрин олган «Ман Сити» клубига қарши ўйинни томоша қилиш учун Англияга борган мухлислар бир кун ушланиб қолишга мажбур бўлишганди. Чунки учрашув кучли ёмғир туфайли бир кунга кечиктирилганди.
«Афсуски, ходимингиз пайшанба куни ишга етиб боролмайди, чунки у Манчестер шаҳрида, муҳим бурчини адо қилиш – севимли жамоасини Чемпионлар лигасида қўллаб-қувватлаш билан банд» - деб ёзилди маълумотнома матни.
