Испания чемпионатининг 4-турида "Барселона" сафарда турнир дебютанти "Леганес"га қарши баҳс олиб борди ва йирик ҳисобда ғалаба қозонди.

Майдон эгалари ўйин бошида номдор рақибга нисбатан юқори прессинг қўллаб, каталонияликларга ўйин бермасликка интилди. Аммо ўйиннинг 15-дақиқасидан бошлаб танаффусга қадар меҳмонлар "Леганес" дарвозасига 3та тўп киритишди. Бунда Месси-Суарес-Неймар ҳужум учлиги бир-бирини ажойиб тушуниб қилганини таъкидлаш лозим. Мессининг голига Суарес, Суареснинг голига Месси ва Неймарнинг голига Суарес ҳаммуаллифлик қилди.

Иккинчи бўлим бошида Мессининг ўзи пенальтидан унумли фойдаланган бўлса, Рафиньянинг зарбасидан сўнг тўп "тўққизлик" орқали тўрга бориб тушди. Баҳс тугашига 10 дақиқа қолганида майдон эгалари жарима зарбасидан битта гол уришга муваффақ бўлишди.

Ушбу ғалабадан кейин "Барселона" ўз очколарини 9тага етказиб олди ва вақтинчалик бўлса-да жадвалда 1-ўринга кўтарилиб олди.

Испания Ла лигаси, 4-тур
Леганес – Барселона 1:5 (0:3, 1:2)
Голлар: 0:1 – 15 Месси, 0:2 – 31 Суарес, 0:3 – 44 Неймар, 0:4 – 55, пенальти Месси, 0:5 – 64 Рафинья, 1:5 – 80 Пирес.
Леганес – Серантес, Инсуа, Межани (Перес, 46), Рико, Бустинса, Састре, Лопес (Шимановски, 61), Пирес, Диас, Коне, Мачис (Рамос, 61).
Барселона – тер Стеген, Пике, Альба, Умтити, Маскерано, Рафинья, Ракитич (Туран, 57), Иньеста (Суарес, 65), Неймар, Месси, Суарес (Пако Алькасер, 56).
Огоҳлантиришлар: Ракитич (24), Межани (27), Диас (39), Бустинса (54), Неймар (80), Рамос (87).