«Интер» бош мураббийи Франк де Бур "Ювентус"га қарши ўйиндаги ғалабадан кейин футболчилар ва мухлислардан эйфорияга берилмасликни сўради. Ушбу ўйинда "нерадзурри" «кекса синьора»ни 2:1 ҳисобида мағлуб этди.

«Ушбу ўйин «Интер» учун бурилиш нуқтаси бўладими? Бирор нарса дейиш қийин. Биз вазиятга реал баҳо беришимиз керак. Чемпионлик соврини бунчалик эрта қўлга киритилмайди. «Ювентус»га қарши ўйиндаги ғалабадан кейин «Эмполи»га ютақзиб қўйишимиз мумкин. Албатта, бу натижа бизга ўз кучимизга бўлган ишончни оширади. Бундай иштиёқ бизда ҳар бир ўйинда бўлиши лозим», — дейди голландиялик мутахассис.

Италия чемпионатининг 4-туридан кейин «Интер» 7 очко билан 6-ўринни эгаллаб турибди. «Ювентус» эса 9 очко билан 2-ўринни банд этган.