Италия чемпионатида 5-тур ўйинлари бошланди. «Милан» ўз майдонида Римнинг «Лацио» клубини қабул қилиб, ишончли тарзда ғалаба қозонди.

Биринчи бўлим тенг курашлар остида ўтди. Бироқ мезбонлар вазиятлардан унумли фойдаланиб қолишди. 37-дақиқада Карлос Бакка дарвозабон билан юзма-юз чиқиб, совуққонлик билан уни доғда қолдира олди.

Иккинчи бўлимда ҳам ўйин сурати ўзгармади. «Милан» рақибга имконият бермасдан, яна бир гол уришга муваффақ бўлди. 74-дақиқада Мамаду Ньянг пенальтини аниқ амалга ошириб, ҳисобдаги фарқни оширди.

Ушбу ғалабадан сўнг, «Милан» 9 очко жамғариб, мусобақа жадвалида учинчи ўринга кўтарилди.

Италия чемпионати. 5-тур.

Милан – Лацио 2:0 (1:0)
Голлар: Бакка (37), Ньянг (74 пен)

Милан – Доннарумма, Калабрия, Палетта, Романьоли, Де Шильо, Бонавентура (Хонда, 82), Монтоливо, Куцка, Сусо (Локателли, 68), Ньянг, Бакка (Гомес, 87).
Лацио – Стракоша, Раду, Баштуш (Кейта, 46), де Врей, Баста, Катальди (Луис Альберто, 77), Пароло, Милинкович-Савич, Лулич, Иммобиле, Джорджевич (Фелипе Андерсон, 46).
Огоҳлантиришлар: Баштуш (45), Катальди (59), Калабрия (62), Раду (73), де Врей (76).