«Арсенал» бош мураббийи Арсен Венгер «Челси»га қарши ўйин (3:0) борасида ўз фикрларини билдириб ўтди.
«Ўйиндан қониқиш ҳосил қилдим. "Челси"га қарши ўйинлар тарихига ўзгартириш киритишимиз керак эди. Биз буни ўзимизга хос услубда амалга оширдик.
Футболчилар бор эътиборларини ўйинга қаратишди ва тартибли ҳаракатланишди. Бундай ўйинларда балансни топиш осон эмас.
Биз айнан шундай — техникага асосланган ва тезкор ўйин ўтказишни истагандик. Умид қиламан, бугунги ўйин футболчиларда биз тўғри йўлда эканимиз ҳақида ишонч ҳосил қилади. Жамоада янада яхшироқ ўйин кўрсатиши мумкин.
Коклен худди ўтган йилги каби жароҳат олди. Умид қиламан, бу сафар унинг жароҳати жиддий эмас.
Марказий ҳимоячилар ажойиб ўйин ўтказишди», – дейди Венгер.