Грознийдаги «Ахмат» жанг клуби Россия MMA уюшмаси президенти Фёдор Емеляненко билан муносабатларига ойдинлик киритиб олишга тайёр экани ҳақида клуб матбуот хизмати бошлиғи Адам Аҳмадов маълум қилди.
«Sports.ru» гап Емеляненконинг аралаш жанглар турнирида ёш болалар иштирокини танқид қилгани борасида кетаётганига ойдинлик киритган.
«Мадомики биз қонундан ташқарига чиқмаётган эканмиз, бу каби турнирларни ўзимиз истаган форматда ўтказишда давом этамиз. Фёдор Емеляненко эса биз билан учрашиш истагида бўлса, клуб раҳбарияти бунга қарши эмас», — деган Адам Аҳмадов.
«Ўз норозилигини билдиришни айнан у бошлади, биз эмас. Биз бу келишмовчиликни тугатишга тайёрмиз. Агар Емеляненко узр сўраса, биз уни қабул қиламиз», — деб сўзини якунлади Аҳмадов.
