Бутун Россия ва Европа самбо федерацияси президенти Сергей Елисеев Россия Аралаш жанглар санъати (MMA) иттифоқи раҳбари Фёдор Емельяненкони «Ахмат» жанг клуби аъзолари билан можарода қўллаб-қувватлади. Бу ҳақда «Чемпионат» хабар бермоқда.

«Яккакурашлар мухлислари Фёдор Емельяненко ҳимоясига петиция ташкил қилди. Ташкил қилинган биринчи соатнинг ўзида петиция 47 минг имзо тўплади. Фёдор Емельяненкони қўллаб-қувватлаш бизнинг бурчимиз. Ахир у биринчи навбатда Россия самбосининг кучи ва ҳақиқий рус ўғлонининг характерини бутун дунёга кўрсатган буюк самбочи. Умид қиламизки, можаронинг икки томони ўзаро келишувга эришиб, бир-бирига қўл узатади. Ахир улар битта иш – спортни ривожлантириш билан шуғулланмоқда», – деб ёзди Елисеев Facebook’даги саҳифасида.

Эслатиб ўтамиз, Фёдор Емельяненко 4 октябрь куни Грозний шаҳрида ўтказилган Grand Prix Akhmat 2016 аралаш жанглар турнирида ёш болалар иштирокини танқид қилганди.

Кейинроқ «Ахмат» клуби президенти Абузайд Висмурадов Россия MMA раҳбарининг ушбу масала юзасидан танқид қилишга ҳаққи йўқ эканиниайтганди.

Шунингдек, Чеченистон раҳбари Рамзан Қодиров Емельяненконинг танқидига ўз муносабатини билдирган эди.