Футбол бўйича Финляндия терма жамоаси ва Москванинг ЦСКА клуби ярим ҳимоячиси Роман Ерёменко унинг допинг-тести ижобий чиққани учун футболдан маълум вақтга четлатилди. Бу ҳақда Финляндиянинг MTV Sport нашрига таяниб, «Спорт-Экспресс» хабар бермоқда.
Хабарда қайд этилишича, Ерёменкодан сентябрь ойида, ЦСКАнинг «Байер» ва «Тоттенҳэм»га қарши ЕЧЛ учрашувларидан биридан сўнг олинган допинг намунаси ижобий чиққан. Айни вақтда «B» намунасини ўрганиб чиқиш масаласи кўриб чиқилмоқда.
Финляндия футбол уюшмаси Европа футбол ассоциациялари иттифоқи (УЕФА)нинг Назорат, ахлоқ ва тартиб қўмитаси Ерёменкони бир ойга футболдан четлатгани ҳақида хабар берди.
