Испания қироллиги футбол федерацияси (ИҚФФ) Жерар Пике тўғрисида расмий баёнот берди.
Гап шундаки, Пике ЖЧ-2018 саралашидан ўрин олган Албания терма жамоасига қарши ўйиндан олдин Испания байроғи ҳошиялари туширилмаган футболкада майдонга чиқди. Шундан сўнг мабуот ходимлари уни ҳошияларни атайин кесиб ташлаганликда айблаган эди.
«Пике шаънига ёғдирилаётган айбловларга жавобан шуни маълум қиламизки, Испания байроғи ҳошияси фақат енги калта футболкаларга туширилган. Пике эса енги узун футболкада майдонга тушди. Уларда байроқ ҳошияси йўқ» - дейилади ИҚФФ баёнотида.
Бироқ, ўйиндан олдин ва ўйин пайтида олинган фотосуратлар буни аксини кўрсатмоқда. Пике енги калта футболкани кийган, ич кийими эса оқ рангда бўлган.














