«Барселона» бош мураббийи Луис Энрике Чемпионлар лигасининг 3-тури доирасида «Манчестер Сити»га қарши ўйин борасида ўз фикрларини билдириб ўтди. «Камп Ноу»да ўтган баҳсда каталонияликлар 4:0 ҳисобида ғалаба қозонишди ва ўйинда Лионель Месси 3та гол уришга муваффақ бўлди.

«Ушбу ғалабада Месси ҳал қилувчи роль ўйнади. У жароҳатдан энди фориғ бўлганига қарамай, барча муҳим эпизодларда иштирок этди. Мессига ҳеч ким шубҳа қилмаганди. Ким шубҳа билан қараган бўлса, у жуда ҳам содда одам. У шундай ҳаракат қилдики, гўёки ўйин мактаб майдончасида ўтгандек бўлди.

Биз шунчаки 3 очкони қўлга киритдик. Рақиб бир нечта жиддий хатоларга йўл қўйди. Яхши жамоалар ўртасидаги ўйинда бу ҳаддан ташқари кўп. Кичик эпизодлар ўйин тақдирини ҳал қилди. Лекин, ишончим комил, "Сити" Манчестерда бўладиган баҳсда реванш олишга ҳаракат қилади», — дейди Энрике.