«Реал» клуби собиқ бош директори Хорхе Вальдано мадридликларнинг Чемпионлар лигасининг 4-тури доирасида "Легия"га қарши ўйини борасида ўз фикрларини билдириб ўтди. «Реал» ўйин давомида 2:0 ҳисобида олдинда бориб, якунда мағлубиятдан зўрға қутулиб қолди.

«Зидан ўзига ёқмайдиган иш қилди. У кийим алмаштириш хонасида бу ҳақда футболчиларга доимо таъкидлаб келди. "Реал" ўйинни ҳужумкор руҳда бошлади ва ҳисобда олдинга чиқиб олди. Аммо шундан сўнг жамоа бўшашди. Жамоа ҳаддан ташқари ҳужумкор схемаси — 4-2-4 эвазига жазоланди. Жамоа рақибга босим ўтказишни тўхтатиб қўйди.

"Сантьяго Бернабеу"да ўтган ўйинга нисбатан бу сафар "Легия" футболчилари майдондаги ҳолатни яхши ҳис қилишди. Польшаликлар сўнгги дақиқаларни кучли ўтказишади. Бугун улар ғалаба қозонишлари ҳам мумкин эди», — дейди Вальдано.