3-5 ноябрь кунлари Олий лигада навбатдаги 28-тур учрашувлари ўтказилади. Жума куни “Қўқон-1912” жамоаси ўз майдонида Муборакнинг “Машъал” жамоасини қабул қилади. Эътиборингизга бу жамоаларнинг ўзаро ўйинидаги статистик маълумотларни тақдим этамиз.
Ўзаро ўйинлар
Бу икки жамоа шу кунга қадар Олий лига доирасида тўққиз марта тўқнаш келишган. Ўйинларнинг иккитасида жамоамиз ғалаба қозонган, битта учрашувда дуранг натижа қайд этилган. Олтита баҳсда муборакликлар қўли баланд келган. Тўплар нисбати 7-16, “Машъал” фойдасига.
Қўқонда ўтган барча учрашувлар:
12.09.2015 «Қўқон-1912» – «Машъал» 2:1
07.05.2003 «Қўқон-1912» – «Машъал» 0:2
13.04.2002 «Қўқон-1912» – «Машъал» 3:1
14.10.1995 «Қўқон-1912» – «Машъал» 0:0
Ўзаро ўйинлар ҳақида факт: “Қўқон-1912” майдонида бўлиб ўтган 4та ўйиннинг иккитасида мезбонларнинг қўли баланд келган. Бир учрашувда дуранг қайд этилган. Бир бор Муборак клуби сафардан ғалаба билан қайтган.
Ҳакамлар
Қўқондаги “Марказий” ўйингоҳда бўлиб ўтадиган “Қўқон-1912” – “Машъал” учрашувини Илгиз Танташев бошчилигидаги ҳакамлар бошқариб борадиган бўлишди.
Бу йилги мавсумда ушбу рефери уч марта жамоамиз ўйинида ишлаган.
Олий лига
28-тур
«Қўқон-1912» (Қўқон) – «Машъал» (Муборак)
Ҳакамлар: И. Танташев (Бухоро), Б. Қодиров (Бухоро), А. Қўлдошев (Бухоро), А. Эргашев (Тошкент)
Назоратчи: Ф. Абдуллаев (Тошкент).
ЎзПФЛ вакили: А. Иноятов.
Бошланиш вақтлари
“Машъал” – “Қўқон-1912” жамоаларининг ўринбосарлари бугун соат 14:30да беллашадилар. Ҳар икки жамоалар асосий таркиблари ўртасидаги баҳс эса, 4-ноябрь жума куни , соат 15:00да бошланади. Иккала ўйин ҳам Қўқондаги “Марказий” ўйингоҳда бўлиб ўтади.
