Месут Ўзилнинг вакиллари «Арсенал» билан шартномани узайтириш борасида музокара ўтказишди.
Лондон клуби раҳбарияти уни жамоада олиб қолмоқчи ва маошини ҳафтасига 200 минг фунт қилиб белгиламоқчи. Агар бу иш амалга ошадиган бўлса, у клубда энг кўп маош олувчи футболчига айланади.
Айни пайтда Ўзил ҳафтасига 140 минг фунт маош олмоқда ва унинг амалдаги шартномаси 1,5 йилдан сўнг ниҳоясига етади.
Германия терма жамоаси футболчиси Лондонда ўзини бахтиёр ҳис қилмоқда ва яқинда 10 млн фунт нархли янги уй сотиб олди.
Аввалроқ, у билан «Манчестер Юнайтед» қизиққани ҳақида хабарлар чиққан эди. Футболчининг трансфер нархи 50 млн еврога тенг.
