«Реал» клуби 2013 йилда Неймарни «Сантос» клубидан сотиб олишга уриниб кўрган, деб хабар бермоқда El Confidencial.

Бироқ футболчи учун тўланадиган жуда катта нарх «Реал»ни тўхтатиб қолган.

Ўша пайтда «Сантос» футболчи учун 65 млн евро сўраган. Неймар ва унинг отаси ҳам ўз талабини қўйган. Натижада унинг трансфер нархи 105 млн еврога кўтарилган.

Бироқ, Неймар аввалроқ «Барселона» клубига ўтишга ваъда бериб, улар билан олдиндан битим имзолаган ва 10 млн еврони олган. Агар Неймар бу битимни бузиб, бошқа клубга ўтмоқчи бўлса, 50 млн евро жарима тўлаши керак бўлган.

Бу жаримани ҳам «Реал» клуби тўлаши лозим бўлган. Ҳаммасини қўшиб ҳисобласа, Неймар «Реал»га 150 млн еврога тушиши ойдинлашган. Шундан сўнг «Қироллик клуби» уни сотиб олиш ниятидан қайтган.