"Торино" бош мураббийи Синиша Михайлович ҳужумчи Андреа Белоттининг трансфери учун тўланадиган товон пули 94 миллион евро эканлиги ҳақидаги хабарга муносабатини билдирди.
"Агар кимдир бу суммани тўласа, яхши аммо улар ошириб юборилган. Бу нархлар реал эмас. Погба ва Белотти сингари ўйинчилар 90-100 миллион туриши мумкин эмас. Агар улар шу нархга арзисалар, ҳар ўйинда 4 гол уриб, бир ўзлари ғалаба қозонишлари керак.
Мен 20 йил аввал эмас, ҳозир ўйнаганимда менинг кўрсаткичларим ҳам 100 миллионга арзир эди. Агар Белотти қачонлардир кетадиган бўлса, биз ундан тушган пулга жамоани қайтадан тузишимиз мумкин. Мен шу ерда эканман, у қолади", - дейди Михайлович.
Италия терма жамоасининг 22 ёшли ҳужумчиси мамлакат чемпионатида 10та гол урган ва 4 голли узатма оширган.
