"Ливерпуль" яримҳимоячиси Фелиппе Коутиньонинг жароҳати даражаси 24 соатда аниқ бўлади. Бу ҳақида жамоа бош мураббийи Юрген Клопп маълум қилди.

Аммо немис мутахассиси вазиятга оптимистик руҳда қарамоқда.

Эслатиб ўтамиз, бразилиялик футболчи "Сандерленд"га қарши учрашувда (2:0) рақиб яримҳимоячиси Дидье Ндонг билан тўқнашиб кетган эди.

"Биз тиббий текширувлар натижасини кутяпмиз. Унинг оёғига нимадир бўлганини биламиз. У оғриқ сезаётган эди, ҳозир эса аҳволи яхши. Мен оптимист инсонман ва якшанба куни унинг машғулотимизда иштирок этишига умид қиламан", - дейди Клопп.