«Ювентус» дарвозабони Жанлуижи Буффон Италия терма жамоаси ҳужумчиси Марио Балотелли ҳақида ўз фикрини айтди.

«Мен Марио каби яхши одамларни кам учратганман. Шу туфайли, у ҳақда айтилган ёмон гаплардан ғазабланаман. У қалби тоза, сахий инсон. Уни ҳамма яхши кўради. У энди 26 ёшга тўлди ва яна 10 йил бемалол ўйнай олади.

Верратти ҳам қобилиятли йигит. У жароҳати туфайли ПСЖда мавсумни яхши бошламади. Аммо ҳозирги пайтда ўз савиясига қайтмоқда. У келажакда терма жамоанинг етакчиси ва сардори бўлади» - деди Буффон L'Equipe хабарида.