Маданият ва спорт соҳасинининг ривожига муносиб ҳисса қўшиб, самарали меҳнат қилиб келаётган ходимлар меҳнатини рағбатлантириш ҳамда Вазирлик ва унинг тасарруфидаги ташкилотларида соғлом рақобат муҳитини яратиш мақсадида кеча пойтахтимизнинг "Саёҳат” тантаналар мажмуасида йил якунларига бағишланган янги йил тадбири ўтказилди. Унда шу соҳа ривожига муносиб улушини қўшган фаол ходимларларнинг бир гуруҳи Вазирликнинг Диплом ва қимматбаҳо эсдалик совғалари билан тақдирланди. Бу ҳақда вазирлик матбуот хизмати хабар бермоқда.
Жумладан, Бокс бўйича Ўзбекистон миллий терма жамоаси аъзоси, XXXI ёзги Олимпиада ўйинлари ғолиби Ҳасанбой Дўсматов "Йилнинг энг яхши спортчиси” деб топилди.
Йилнинг энг яхши спортчисига махсус диплом ҳамда 10 минг АҚШ доллари миқдоридаги мукофотни Маданият ва спорт ишлари вазири Баҳодир Аҳмедов тантанали равишда топширди.
