МЮ бош мураббийи Жозе Моуриньо футболдаги шахсий совринларни танқид остига олди.

«Йилнинг энг яхши футболчиси ким бўлади? Тўғрисини айтсам, мен футболдаги шахсий совринларнинг ишқибози эмасман. Бу жамоавий спорт, унда жамоа ғалаба қозонади. Шу туфайли алоҳида футболчиларнинг аҳамияти йўқ.

Матбуот ва мухлислар энг яхши футболчиларни аниқлашни ёқтиради, аммо мураббийлар унчаликмас. Чунки биз олиб бораётган иш билан шахсий совринлар орасида қарама-қаршилик мавжуд.

Албатта, ўз қобилияти туфайли жамоа ва жамоадошларини янада яхшироқ қила оладиган футболчилар бор. Булар ўзгача футболчилардир. Аммо, шахсий совринларнинг аҳамияти жудаям бўрттирилган» - деди Моуриньо.