"Реал" ҳимоячиси Марсело Испания кубоги 1/8 финалининг жавоб учрашувида "Севилья" билан дурангдан сўнг фикрлари билан ўртоқлашди.
"Яхши натижага шубҳа қилмагандик, биз ўйин 90 дақиқа давом тишини биламиз. Биз биринчи ўйин натижасига ва мағлубиятсиз сериямизга таяниб қолмадик. Ҳар бир ўйин - алоҳида воқеа ва "Реал" охиригача курашади.
"Севилья" - ажойиб жамоа. Бизни оғир ўйин кутиб турганини билар эдик, чунки биринчи учрашув натижаси ҳеч нарсани англатмасди. Улар бутун ўйин давомида босим уюштирдилар, аммо биринчи ўйин натижаси бизга далда бўлди.
Ла Лига — дунёдаги энг яхши чемпионат, ҳар бир ўйин биз учун - жанг. Ла лигада энг яхши клублар тўпланган", - дейди Марсело.
