"Реал" ҳимоячиси Серхио Рамос Испания кубогининг 1/8 финалида "Севилья"га қарши учрашувда (3:3) рақиб жамоа мухлисларининг ҳулқига баҳо берди.
Мадридликларнинг иккинчи голини киритган Рамос ўйин вақтида рақиб мухлисларининг ҳақоратига дучор бўлди.
"Севилья" мухлисларига ҳурматсизлик қилганим йўқ. Аксинча, мухлисларнинг бир қисмидан узр сўрадим. "Севилья" ҳар доим менинг уйим бўлиб қолади. Менга ҳуштакбозлик қилишадими, йўқми, бунинг фарқи йўқ.
"Севилья" мухлислари ҳурматга лойиқлар, аммо мени онамдан сўкканлари эмас. Менинг дафн маросимимда "Реал" ва "Севилья" байроқлари бўлади", - дейди Рамос.
Рамос "Севилья" тарбияланувчиси ҳисобланади, 2004-05 йилларда андалусия клуби асосий таркибида ўйнаган ва шундан сўнг Мадридга йўл олган.
