«Барселона» ҳужумчиси Лионель Мессининг клуб раҳбарларидан бири Пере Гратакоснинг ишдан бўшатилишига алоқаси бўлмаган.
Аввалроқ, Гратакос жамоадошларининг ёрдамисиз Месси яхши футболчи бўлолмаслиги ҳақида гапирган ва шу гаплари учун ишдан бўшатилган эди.
Мессининг атрофидаги одамларнинг гапига кўра, футболчи клубнинг бу қароридан ҳайрон бўлган ва ранжиган.
Мессининг Гратакос билан муносабатлари ҳар доим яхши бўлган, футболчи унинг раҳбарлигида «Барселона Б» клубида дебют қилган эди. Қизиғи шундаки, футболчининг ўзи раҳбарнинг сўзларига қўшилган ва барча ютуқларини жамоадошларининг ёрдами билан боғлаган.
Энди Гратакос фаолиятини «Барселона»нинг «Масия 360» лойиҳасида давом эттиради.
