«Barselona» hujumchisi Lionel Messining klub rahbarlaridan biri Pere Gratakosning ishdan bo‘shatilishiga aloqasi bo‘lmagan.
Avvalroq, Gratakos jamoadoshlarining yordamisiz Messi yaxshi futbolchi bo‘lolmasligi haqida gapirgan va shu gaplari uchun ishdan bo‘shatilgan edi.
Messining atrofidagi odamlarning gapiga ko‘ra, futbolchi klubning bu qaroridan hayron bo‘lgan va ranjigan.
Messining Gratakos bilan munosabatlari har doim yaxshi bo‘lgan, futbolchi uning rahbarligida «Barselona B» klubida debyut qilgan edi. Qizig‘i shundaki, futbolchining o‘zi rahbarning so‘zlariga qo‘shilgan va barcha yutuqlarini jamoadoshlarining yordami bilan bog‘lagan.
Endi Gratakos faoliyatini «Barselona»ning «Masiya 360» loyihasida davom ettiradi.
