"Севилья" ишқибозлари "Рамон Санчес Писхуан" стадиони олдида "Реал" ҳимоячиси Серхио Рамосга қарши баннерлар осишди.
Бир нечта баннерларга "Рамос йўқ бўлсин", "Серхио Рамос - сотқин", "Севилья" ҳеч қачон сенинг уйинг бўлмайди" деб ёзилган эди. Шу тариқа, ишқибозлар Испания кубоги доирасида "Реал"га қарши учрашувдаги норозиликларини давом эттирдилар. Кубок учрашуви 3:3 ҳисобида тугаган ва Рамос мадридликларнинг бир голини урган эди. Ўйин вақтида улар футболчига бегона буюм улоқтирган ва унга ҳақоратли сўзлар айтган эдилар.
Рамос "Севилья" тарбияланувчиси ҳисобланади. 2004-05 йилларда андалусияликларнинг асосий жамоасида ўйнаган, шундан сўнг "Реал"га ўтган эди.
