Англия терма жамоаси таркибида 1966 йилда жаҳон чемпиони бўлган Жорж Коэн ўлимидан сўнг, миясини олимларга қолдиради.
Шу тариқа у, футболчиларнинг боши билан ўйнаши натижасида юзага келиши мумкин бўлган касалликларни аниқлаш бўйича олиб бориладиган изланишларга ўз ҳиссасини қўшмоқчи. Англиялик олимларнинг фикрига кўра, боши билан кўпроқ ўйнайдиган футболчиларда ақлий заифлик касалини юзага келиш эҳтимоли юқори.
«Агар бу фанга ёрдам берадиган бўлса, қарши эмасман. Ўлимимдан сўнг, мияни менга кераги йўқ, фақат қариндошларим учун бу оғир масала. Аммо хотиним билан маслаҳатлашдим, у қарши эмас. Агар олимлар футболни бу касалликнинг келиб чиқишига таъсири борлигини аниқласа, у ҳолда менинг ишим савобга айланади» - деди 77 ёшли Коэн The Mirror хабарида.
