Angliya terma jamoasi tarkibida 1966 yilda jahon chempioni bo‘lgan Jorj Koen o‘limidan so‘ng, miyasini olimlarga qoldiradi.

Shu tariqa u, futbolchilarning boshi bilan o‘ynashi natijasida yuzaga kelishi mumkin bo‘lgan kasalliklarni aniqlash bo‘yicha olib boriladigan izlanishlarga o‘z hissasini qo‘shmoqchi. Angliyalik olimlarning fikriga ko‘ra, boshi bilan ko‘proq o‘ynaydigan futbolchilarda aqliy zaiflik kasalini yuzaga kelish ehtimoli yuqori.

«Agar bu fanga yordam beradigan bo‘lsa, qarshi emasman. O‘limimdan so‘ng, miyani menga keragi yo‘q, faqat qarindoshlarim uchun bu og‘ir masala. Ammo xotinim bilan maslahatlashdim, u qarshi emas. Agar olimlar futbolni bu kasallikning kelib chiqishiga ta’siri borligini aniqlasa, u holda mening ishim savobga aylanadi» - dedi 77 yoshli Koen The Mirror xabarida.