Туриннинг «Ювентус» футбол клуби Лондоннинг «Арсенал» жамоаси форварди Алексис Санчесни ўз таркибига қўшиб олиши мумкин.
Corriere dello Sport маълумотига кўра, Италия клуби вакиллари лондонликлар билан алоқага чиқишган ҳамда чилилик футболчи учун 30 миллион евро таклиф этишмоқда.
Шунингдек «Арсенал» билан шартномаси 2018 йилнинг ёзида ўз ниҳоясига етадиган 28 ёшли ҳужумчига «ПСЖ» ҳам даъвогарлик қилмоқда.
Маълумот учун, Санчес жорий мавсумда клуб учун барча мусобақаларда 36та ўйинда майдонга тушди ҳамда 20та гол ва 16та голли узатмага муаллифлик қилди.
