«ПСЖ» бош мураббийи Унаи Эмери Чемпионлар лигасининг нимчорак финал босқичи доирасида «Барселона»га қарши жавоб ўйини олдидан ўз фикрларини билдириб ўтди. Эслатиб ўтамиз, биринчи ўйинда парижликлар 4:0 ҳисобида ғалаба қозонишганди.

«Энг муҳими — эртага барча нарсанинг уддасидан чиқа олиш. Сабр қилиш керак пайтда барчамиз сабр қиламиз, имконият бўлганда эса ҳужум қиламиз. Майдонга тушадиган барча футболчилар тўқнашувга руҳан тайёр. Уларнинг тажрибаси катта.

Биринчи ўйинда бўлганидек жавоб учрашувига ҳам шундай ишонч билан чиқишимиз керак. Бизга қарши кучли рақиб рўбарў бўлади. Биз фақат ўзимиз кўрсатишимиз лозим бўлган ўйин ҳақида ўйлашимиз керак. Биринчи баҳсдаги ўйинимизни кўрсатишга ҳаракат қиламиз», – деди Эмери.