"ПСЖ" бош мураббийи Унаи Эмери ЕЧЛ 1/8 финалида "Барселона"га қарши жавоб учрашуви олдидан фикрлари билан ўртоқлашди.

Парижликлар биринчи учрашувда 4:0 ҳисобида ғалаба қозонган эдилар.

"Барселона" ҳозир қандай ўйин схемасини қўлламасин, мен уни ҳамон ўзгача ўйинчиларга эга буюк клуб деб ҳисоблайман. "Барса"да тактик схемалар захираси катта, бунда у ўзгаришлар қилмаслиги ҳам мумкин. Биринчи ўйинда биз айнан шуни кўрдик. Бундан ташқари, "Барселона"нинг исталган рақиби унинг футболчилари индивидуал ўйинда устун эканликларини унутмаслиги керак.

Бизнинг руҳий тайёргарлигимиз юқори бўлиши керак. Футболчиларим ҳар бир яккакурашда бор кучи билан ҳаракат қилиши лозим. Кейин рақибларни ҳам ишлашга мажбур қилишимиз керак.

Фаолиятим давомида шуни билдимки, рақибга ҳар доим ҳурмат билан муносабатда бўлиш керак. Бу фикрларни шогирдларим билан бўлишаман. Биз ўзимизга ишонамиз ва шу билан бирга "Барселона"ни чуқур ҳурмат қиламиз. Биз буюк жамоа билан унинг афсонавий стадионида ўйнаймиз. Биз бу ерда қандай қоришмадан тузилганимизни кўрсатишимиз керак", - дейди Эмери.