"Севилья" яримҳимоячиси Самир Насри ЕЧЛ 1/8 финалида "Лестер"га қарши учрашувда (0:2) рақиб ҳужумчиси Жейми Варди билан ўрталаридаги воқеа ҳақиди фикр билдирди.

Иккинчи бўлимда бу футболчилар орасида жанжал келиб чиқиди, ҳакам ҳар иккисини сариқ карточка билан сийлади, аммо у Насри учун иккинчи огоҳлантириш эди.

"У фирибгар. Агар у чет эллик футболчи бўлганида, сизлар - Англия матбуоти ҳам уни фирибгар деб атаган бўлардингиз. У буни жуда яхши ўйнаб берди. Англия футболчилари қўполроқ деб ўйлаб юрардим. У фол қилди, кетидан мени туртди. Мен ундан "нима қиляпсан?" деб сўрадим, жавоб ўрнига у ёнимга келиб туртинди.

Агар ҳамма ҳақиқатни айтсам, буни матбуотда чоп этиб бўлмайди. Мен у билан гаплашиб олмоқчи бўлдим, аммо камералар жуда кўп, мен келгуси мавсум ва узоқ муддатли дисквалификация ҳақида ўйладим", - дейди Насри.

Франция ОАВга кўра, Варди ўйин давомида Насрининг оиласини бир неча марта ҳақорат қилган.