Европа клублари ассоциациясининг (ЕКА) бош ассамблеяси Чемпионлар лигасидаги ўзгаришларни тасдиқлади.
Маълумки, 2018/19 мавсумдан бошлаб, УЕФА клублар рейтингида юқори 4 ўринни эгаллаб турган Англия, Испания, Италия ва Германия чемпионатларидан тўрттадан клуб саралаш ўйинларисиз Чемпионлар лигасининг гуруҳ босқичидан жой олади.
Бу ҳақда ЕКА раҳбари Карл-Хайнц Румменигге ўз фикрларини айтди.
«Шубҳасиз, бу яхши янгилик бўлди. Ишончим комил, бундан Европа футболидаги барча фойда кўради. Бу адолатли, сифатли ва жиддий қарордир. У Европа футболидаги бирдамликни англатмоқда. Чемпионлар лигасидаги бу ўзгариш уни кучайтиради ва янада ҳиссиётли қилади» - деди Румменигге.
