Англия Премьер-лигасининг 36-туридан ўрин олган "Челси" - "Мидлсбро" учрашуви икки кун кейинга қолдириладиган бўлди.
Бу ҳақда "аристократлар"нинг расмий сайти хабар бермоқда. "Стемфорд Бриж" стадионида "Мидлсбро"га қарши баҳс душанба яъни 8 май санасига қолдирилди.
Ўйин Тошкент вақти билан соат 01:00да бошланади. Англияда етакчи клубларнинг ўйини жонли эфирга олиб чиқиш талаби ортгани учун, «Челси»нинг бошқа ўйинлари ҳам кўчирилиши мумкин.
Эслатиб ўтамиз, "Челси" айни дамда 69 очко тўплаган ҳолда турнир жадвалида пешқадамлик қилмоқда. Иккинчи ўринни эгаллаб турган Лондоннинг яна бир жамоаси "Тоттенҳэм" эса Антонио Конте шогирдларидан 10 очкога ортда қолмоқда.
